नगर : अल्पवयीन मुलीवर अत्याचार; गुन्हा दाखल

अहमदनगर (प्रतिनिधी) – तालुक्यातील इमाम्पूर परिसरातील एका लॉजवर घेऊन जात अल्पवयीन मुलीवर अत्याचाराची घटना घडली आहे. याप्रकरणी एमआयडीसी पोलीस ठाण्यात पीडित अल्पवयीन मुलीच्या फिर्यादीवरून अत्याचार, पोक्सो कलमानुसार गुन्हा दाखल करण्यात आला आहे.

याबाबत सविस्तर माहिती अशी कि, आदिनाथ लोंढे (हल्ली रा. भराट गल्ली, भैरवनाथ मंदिराशेजारी, खासगी होस्टेलमध्ये, नगर) याची आणि अल्पवयीन मुलीची ओळख होती. त्याच ओळखीतून हे गैरकृत्य त्याने केले. त्याच्यावर गुन्हा दाखल करण्यात आला असुन तो फरार आहे. पोलीस त्याचा शोध घेत आहेत. फिर्यादी अल्पवयीन मुलगी नगरमध्ये राहते व अकरावीमध्ये शिक्षण घेते. तिची आदिनाथ सोबत ओळख होती. लग्नाचे आमिष दाखवत अल्पवयीन मुलीवर वळजबरीने लॉजवर नेत अत्याचार आदिनाथ याने केला. तसेच घडलेला प्रकार कोणाला सांगितला तर तुला जिवंत ठेवणार नाही, अशी धमकी दिली असल्याचे फिर्यादीत म्हटले आहे

दरम्यान सदरचा प्रकार फिर्यादी अल्पवयीन मुलीने नातेवाईकांना सांगितला. त्यानंतर पोलिसांनी पीडितेच्या फिर्यादीवरून आदिनाथ लोंढे याच्या विरोधात गुन्हा दाखल केला आहे. पोलीस उपनिरीक्षक मोंढे अधिक तपास करत आहेत.