नवनीत राणा यांचा निसटता पराभव, काँग्रेसचे वानखेडे विजयी

Navneet Rana – लोकसभीचा निकाल आज दि . ४ जून रोजी जाहीर केले जात असून अमरावतीतून भाजपाकडून नवनीत राणा आणि काँग्रेसकडून बळवंत वानखेडे यांच्यात अत्यंत चुरशीची अशी लढत झाली होती. आज प्रत्यक्ष मतमोजणीवेळी दोघांच्यात देखील आघाडी आणि पिछाडी असा लपंडाव सुरूच होता. त्यात भाजपच्या नवनीत राणा यांचा पराभव झाला आहे.

दरम्यान भाजपाच्या नवनीत राणा यांना पराभवाचं तोंड पाहावं लागलं आहे. मागच्या वेळेस अपक्ष निवडणूक लढवून नवनीत राणा यांनी विजयाची चव चाखली होती. मात्र यावेळी भाजपाच्या कमळावर निवडणूक लढवून काही एक फायदा झाला नाही. काँग्रेसचे बळवंत वानखेडे यांनी त्यांचा अवघ्या १४,214 मतांनी विजय मिळवला आहे. नवनीत राणा याना अगदीच निसटता असा पराभव पत्करावा लागला आहे. येथे बच्चू कडू यांच्या प्रहार या पक्षाकडून बुब हे निवडणुकीच्या रिंगणात होते.