महाराष्ट्राचे प्रभारी म्हणून यादव तर सहप्रभारी बैष्णव यांची नियुक्ती

BJP MAHARASHTRA NEWS _ लोकसभा निवडणुकीनंतर आता देशातील काही राज्यात विधानसभा निवडणुकीचे वारे वाहणार आहे. महाराष्ट्रात देखील दिवाळीपूर्वी विधानसभेच्या निवडणूक होऊ शकतात. भाजपने आता भाजपचे राष्ट्रीय अध्यक्ष जेपी नड्डा यांच्या आदेशान्वये महाराष्ट्रातील आगामी विधानसभा निवडणुकांसाठी प्रभारी म्हणून केंद्रीयमंत्री भूपेंद्र यादव आणि सहप्रभारी म्हणून अश्विनी वैष्णव यांची नियुक्ती करण्यात आली आहे. भाजपने आता तयारी सुरु केली असून पुन्हा राज्यात सत्ता कशी आणता येईल यासाठी आणि पुढील रणनीती ठरवण्यासाठी राज्य आणि केंद्रीय नेत्यांकडून हालचाली सुरु झाल्या आहेत.

दरम्यान भाजपने महाराष्ट्रासह हरयाणा, झारखंड आणि जम्मू व काश्मीर येथे होत असलेल्या आगामी विधानसभा निवडणुकांच्या अनुषंगाने प्रभारी आणि सहप्रभारी यांची नियुक्ती केली आहे. त्यानुसार, दोन केंद्रीय मंत्र्यांकडे महाराष्ट्राची जबाबदारी देण्यात आली आहे. भूपेंद्र यादव हे विद्यमान केंद्रीयमंत्री असून अमित शाह यांचे खास मानले जातात. यापूर्वी गुजरात आणि बिहारचे प्रभारी म्हणून त्यांनी पक्षाचं काम पाहिलं आहे. तर, दुसरे सहप्रभारी अश्विन वैष्णव हे पंतप्रधान नरेंद्र मोदींजे निकटवर्तीय आहेत. त्यामुळे, मोदी-शाहांचे दोन शिलेदार आता विधानसभा निवडणुकांसाठी महाराष्ट्रातील सर्वच हालचालींवर नजर ठेवणार आहेत.

तसेच महाराष्ट्रात ऑक्टोबर महिन्यात विधानसभा निवडणुका होऊ शकतात. कारण, ऑक्टोबरमध्ये विद्यमान विधानसभेचा कार्यकाळ संपत आहे. त्यामुळे, लोकसभा निवडणुकीतील पराभवाचे विश्लेषण करुन आगामी विधानसभा निवडणुकांमध्ये ती चूक न करण्याचा भाजपचा प्रयत्न असणार आहे.