CM Tirthadarshan Yojana: राज्यातील भाविकांसाठी मुख्यमंत्री तीर्थदर्शन योजना : शिंदे यांनी केली घोषणा

Mukhyamantri Tirthadarshan Yojana: राज्यातील भाविकांसाठी आनंदाची बातमी (good news) समोर येत आहे. त्याबाबत स्वतः मुंख्यमंत्री एकनाथ शिंदे यांनी घोषणा केली आहे. या अधिवेशनात घोषणांचा पाऊस पडत असून हि योजना कधी लागू होणार? याच्या अटी शर्ती काय असणार हे मात्र अद्याप गुलदस्त्यातच आहे. मात्र ऑनलाईन पद्धतीने याचे अर्ज मागविण्यात येणार आहेत. मुख्यमंत्री तीर्थदर्शन योजना (Mukhyamantri Tirthadarshan Yojana) असे या योजनेचे नाव आहे.

पावसाळी अधिवेशनात मुख्यमंत्री एकनाथ शिंदे यांनी राज्यातील भाविकांसाठी गुड न्यूज दिली आहे. अनेक ज्येष्ठ नागरिकांना इच्छा असून पैशांमुळे देवदर्शन करता येत नाही. ज्यांना परवडते ते सहकुटुंब देवदर्शनाला जातात. पण ज्यांना नाही परवडत त्यांची इच्छा अपूर्णच राहते. या भाविकांसाठी मुख्यमंत्री तीर्थदर्शन योजना आम्ही लागू करणार असल्याचे मुख्यमंत्री एकनाथ शिंदे म्हणाले. लवकरच ही योजना सुरु होणार असून राज्यातील भाविकांना याचा लाभ होणार आहे.

काय केली आहे मुख्यमंत्र्यांनी घोषणा?
राज्यातील ज्येष्ठ नागरिकांना तीर्थस्थळांचे दर्शन घडविण्यासाठी ‘मुख्यमंत्री तीर्थ दर्शन’ योजना सुरू करण्यात येणार असल्याची घोषणा मुख्यमंत्री एकनाथ शिंदे यांनी आज विधानसभेत केली. या योजनेसाठी धोरण आणि नियमावली तयार करून ज्येष्ठांना शासनाच्या माध्यमातून तीर्थस्थळांच्या दर्शनासाठी नेण्यात येणार आहे. आवर्तन पद्धतीने, ऑनलाईन अर्ज मागवून ही योजना राबविण्यात येणार असल्याचेही मुख्यमंत्री एकनाथ शिंदे यांनी सांगितले.