अरविंद केजरीवाल देणार मुख्यमंत्री पदाचा राजीनामा !

arvind kejriwal resignation : दिल्लीचे मुख्यमंत्री अरविंद केजरीवाल (arvind kejrwal) याना जमीन मंजूर झाला आहे. लगेच त्यांनी एक मोठी घोषणा केली आहे. येत्या दोन विधिमंडळ पक्षाची बैठक त्यांनी बोलावली आहे. त्या बैठकीत मी माझ्या मुख्यमंत्री पदाचा तर मनीष सिसोदिया हे आपल्या उपमुख्यमंत्री पदाचा राजीनामा देणार आहोत असे असे मुख्यमंत्री अरविंद केजरवाल यांनी म्हटले आहे.

दरम्यान केजरीवाल म्हणाले कि, येत्या दोन दिवसांत विधीमंडळाची पक्षाची बैठक होईल, त्यात नवीन मुख्यमंत्र्यांची निवड केली जाईल. मद्य धोरण घोटाळाप्रकरणी अटकेत असलेले दिल्लीचे मुख्यमंत्री अरविंद केजरीवाल यांना दोन दिवसांपूर्वी जामीन मंजूर करण्यात आला आहे. यानंतर आता त्यांनी एक जाहीर सभा घेतली. या सभेदरम्यान अरविंद केजरीवाल यांनी मी दोन दिवसात मुख्यमंत्रीपदाचा राजीनामा देणार अशी मोठी घोषणा केली. येत्या दोन दिवसांमध्ये मी मुख्यमंत्रिपदाचा राजीनामा देईन. त्यानंतर मी आणि मनिष सिसोदिया दोघेही लोकांमध्ये जाऊन त्यांच्याशी संवाद साधू, आम्ही गल्लोगल्ली फिरून लोकांशी बोलू. जर मी जनतेला प्रामाणिक वाटत असेन, तर त्यांनी मला निवडून द्यावे. मी बेईमान असेल तर जनतेने मला निवडून देऊ नये, असे अरविंद केजरीवाल म्हणाले.

… तर पुन्हा मुख्यमंत्री होईल
दरम्यान केजरीवाल पुढे अशीही म्हणाले कि, “सर्वोच्च न्यायालयाने गेल्या दोन दिवसात काही अटी केल्या आहेत, जेणेकरुन मी काम करु शकणार नाही. गेल्या १० वर्षात यांनी अटी शर्थी करण्यात काही कसर सोडली होती का? केंद्र सरकारने एक कायदा, दुसरा कायदा असे अनेक कायदे करत माझे अधिकार काढून घेतले. पण मी तुमची काम बंद केलेली नाही. केंद्राच्या अटी माझ्यासाठी अजिबात महत्त्वाच्या नाहीत. आपण त्या अटींनाही बघून घेऊ. पण माझ्यासाठी प्रामाणिकपणा खूप महत्त्वाचा आहे आणि तो मी कमावला आहे. जर केजरीवाल प्रामाणिक आहे असं तुम्हाला वाटत असेल, तर माझ्या पक्षाला भरघोस मतदान करा. मी निवडणुकीनंतर पुन्हा एकदा मुख्यमंत्रि‍पदाच्या खुर्चीवर जाऊन बसेन”.