Election Commision : महाराष्ट्रात निवडणूक जाहीर; पहा संपूर्ण वेळापत्रक…

Election Commision : निवडणूक आयोगाने (election commision) पत्रकार परिषद घेत महाराष्ट्र (maharashtra) आणि झारखंड राज्याच्या निवडणुकांची घोषणा निवडणूक आयोगाचे आयुक्त राजीव कुमार (rajiv kumar) यांनी केली आहे. महाराष्ट्रात एका तर झारखंडमध्ये दोन टप्यात निवडणूक होणार आहेत. महाराष्ट्राच्या विधानसभेचा (maharashtra vidhansabha) कार्यकाळ 26 नोव्हेंबर रोजी संपणार आहे, तर झारखंड विधानसभेची मुदत 5 जानेवारी रोजी संपणार आहे.

महाराष्ट्राच्या विधानसभा (maharashtra election) निवडणुकीसाठी 20 नोव्हेंबर रोजी मतदान होणार आहे, तर 23तारखेला मतमोजणी होणार असल्याची घोषणा निवडणूक आयुक्त राजीव कुमार यांनी केली आहे. विधानसभेतील इच्छुक उमेदवारांसाठी अर्ज भरण्याची शेवटची तारीख ही 29 ऑक्टोबर 2024 ही असणार आहे. यासाठीची अर्ज पडताळणी 30 ऑक्टोबर २०२४ रोजी होणार आहे.

तसेच ज्या उमेदवारांना निवडणुकीतून माघार घ्यायची आहे त्यांच्यासाठीची मुदत ही ४ नोव्हेंबर २०२४ ची असणार आहे. तर या सगळ्या प्रक्रियेनंतर आणि प्रचारानंतर महाराष्ट्रात २० नोव्हेंबर २०२४ रोजी मतदान होणार आहे. तर २३ नोव्हेंबर २०२४ रोजी मतमोजणी होऊन महाराष्ट्रातील निकाल खूषीत केला जाणार आहे.

महाराष्ट्र विधानसभा निवडणुकीचं वेळापत्रक –
अर्ज भरण्याची शेवटची तारीख – 29 ऑक्टोबर 2024
अर्ज पडताळणीची तारीख – 30 ऑक्टोबर 2024
अर्ज परत घेण्याची शेवटची तारीख – 4 नोव्हेंबर 2024
मतदानाचा दिवस – 20 नोव्हेंबर 2024
मतमोजणीची तारीख – 23 नोव्हेंबर २०२४

राज्यातील एकूण मतदार
महाराष्ट्रातल्या एकूण मतदारांच्या आकडेवारीचा विचार केला तर महाराष्ट्रात 9.63 कोटी मतदार आहेत, त्यापैकी 4.97 कोटी पुरुष मतदार आहेत. तर 4.66 कोटी महिला मतदार आहेत.

राज्यातील मतदान केंद्र संख्या
महाराष्ट्रात एकूण 1 लाख 186 मतदान केंद्र आहेत. यात शहरांमध्ये 42 हजार 604 तर ग्रामीण भागात 57 हजार 582 मतदान केंद्र आहेत. यावेळी देखील आम्ही 530 मॉडेल मतदान केंद्र बनवणार आहोत.

मतदारांसाठी सुविधा पोर्टल अॅप
निवडणूक आयोगाच्यावतीने सुविधा पोर्टल नावाने अॅप जारी करण्यात आलं आहे. या एप्लिकेशन्सवर मतदारांना तक्रार करता येणार आहे. एखाद्या ठिकाणीं काही घटना घडली किंवा उशीरापर्यंत मतदान सुरु असेल तर केवळ फोटो काढून या एप्लिकेशन्सवर अपलोड केला की, 90 मिनिटांत निवडणुक आयोगाची टीम तिथं पोहचेल, असे निवडणूक अधिकाऱ्यांनी सांगितले.