ईडीची कारवाई : शिल्पा शेट्टीच्या बंगल्यासह राज कुंद्राची ९७ कोटीची संपत्ती जप्त

प्रसिद्ध व्यावसायिक तथा अभिनेत्री शिल्पा शेट्टी यांचे पती राज कुंद्रा यांच्याविरोधात ईडीने मोठी कारवाई केली आहे. आज दि. १८ एप्रिल रोजी हि कारवाई करण्यात आली. यामध्ये राज कुंद्रा याची 97 कोटींची संपत्ती जप्त करण्यात आली आहे. ईडीच्या या कारवाईमुळे कुंद्रा फॅमिलीला चांगलाच धक्का बसला आहे.

ईडीने आपल्या कारवाईत राज कुंद्रा यांची पत्नी अभिनेत्री शिल्पा शेट्टीच्या नावावर असलेला फ्लॅट आणि बंगल्यावर जप्तीची कारवाई केली आहे. 2021 यावर्षी पोर्नोग्राफी प्रकरणात राज कुंद्रा यांचे नाव समोर आले होते. त्यावेळी त्यांना अटक करण्यात आली होती. त्यानंतर राज कुंद्रा याची काही महिन्यानंतर जामिनावर सुटका झाली होती.दरम्यानच्या काळात त्यांना तोंड लपवून सगळीकडे फिरावे लागले होते.

मनी लाँडरिंग प्रतिबंधक कायदा म्हणजेच PMLA, 2002 अंतर्गत राज कुंद्रा याच्या विरोधात ही कारवाई करण्यात आली आहे. ईडीने अभिनेत्री शिल्पा शेट्टीच्या नावावर असलेला जुहू येथील फ्लॅट, पुण्यातील बंगला आणि राज कुंद्राच्या नावाने असलेले काही इक्विटी शेअर्सही जप्त केले आहेत. एवढे दिवसाच्या तपासानंतर ईडीकडून हि मोठी कारवाई करण्यात आली आहे. त्यामुळे राज कुंद्रा आणि शिल्पा शेट्टी याना चांगलाच धक्का बसला आहे.

तसेच ईडीकडून मनी लाँड्रिंग प्रकरणी देखील तपास सुरू आहे. एका क्रिप्टोकरन्सी प्रकरणात ईडीकडून राज कुंद्राची चौकशी सुरू आहे. भारतात क्रिप्टोकरन्सी आणि बिटकॉइनच्या माध्यमातून व्यवसाय करणे बेकायदेशीर आहे. मात्र राज याने बिटकॉइनच्या माध्यमातून व्यवसाय करून व्यवहारात फेरफार केल्याचा तपास यंत्रणेचा आरोप आहे. अद्यापही चौकशी सुरु आहे, त्यामुळे पुढे तपासातून काय पुढे येते ते पाहावे लागेल.