कोटक महिंद्रा बँकेवर RBI ची कारवाई

KOTAK MAHINDRA BANK NEWS – डेटा सुरक्षा आणि इतर समस्यांचा हवाला देत, रिझर्व्ह बँक ऑफ इंडिया (RBI) ने कोटक महिंद्रा बँकेला नवीन ग्राहक जोडणे आणि नवीन क्रेडिट देणे तात्काळ थांबवण्यास सांगितले आहे. तसेच क्रेडिट कार्ड ग्राहकांसह विद्यमान ग्राहकांना नियमित सेवा प्रदान करणे सुरू ठेवावे, निर्देश देखील RBI ने दिले आहेत.

आरबीआयच्या निवेदनानुसार, ‘भारतीय रिझर्व्ह बँकेने, बँकिंग नियमन कायदा, 1949 च्या कलम 35A अंतर्गत आपल्या अधिकारांचा वापर करून, आज दि. २४ एप्रिल रोजी कोटक महिंद्रा बँक लिमिटेडला तात्काळ आपले कामकाज बंद करण्याचे निर्देश दिले आहेत. तथापि, बँक तिच्या क्रेडिट कार्ड ग्राहकांसह विद्यमान ग्राहकांना नेहमीच्या सेवा प्रदान करणे सुरूच ठेवणार आहे.

2022 आणि 2023 असे सलग दोन वर्षांच्या देखरेखीनंतर आरबीआयने हा निर्णय घेतला असल्याचे म्हटले जात आहे. दरम्यानच्या कालावधीत, आरबीआयला बँकेमध्ये अनेक महत्त्वपूर्ण कमतरता आणि गैर-अनुपालन आढळून आले. सर्वसमावेशक आणि वेळेवर या समस्यांचे निराकरण करण्यात बँक अपयशी ठरली. RBI ने IT इन्व्हेंटरी मॅनेजमेंट, पॅच आणि चेंज मॅनेजमेंट, यूजर ऍक्सेस मॅनेजमेंट, व्हेंडर रिस्क मॅनेजमेंट, डेटा सिक्युरिटी आणि डेटा लीकेज प्रतिबंधक स्ट्रॅटेजीज, बिझनेस कंटिन्युटी आणि डिझास्टर रिकव्हरी कठोरता आणि ड्रिल्स यांसारख्या क्षेत्रातील गंभीर कमतरता लक्षात घेतल्या त्यानंतरच कारवाई करण्याचा निर्णय घेतला गेला.

2022 आणि 2023 या वर्षांसाठी बँकेच्या आयटी ऑडिटने उपस्थित केलेल्या महत्त्वपूर्ण चिंतेवर आणि वेळेवर आणि योग्य रीतीने या समस्यांना सामोरे जाण्यात बँकेच्या सतत अपयशाच्या आधारे या कृती आवश्यक असल्याचे निवेदनात म्हटले आहे. आरबीआयने म्हटले आहे की, ‘आयटी इन्व्हेंटरी व्यवस्थापन, वापरकर्ता प्रवेश व्यवस्थापन, विक्रेता जोखीम व्यवस्थापन, डेटा सुरक्षा आणि डेटा लीक प्रतिबंधक धोरण, व्यवसायातील सातत्य आणि संकटानंतर पुनर्प्राप्ती प्रयत्न या क्षेत्रांमध्ये गंभीर कमतरता आणि गैर-पालन आढळून आले.’